MEGHSHALA-O ANG'NI SKIE RA'ANI
(summary in English, below)
Anga July 2020 oni ‘Meghshala Trust’ baksa kam ka.na a.bachengaha, angni kam ka.anio angna ra.bianigita ong.achim maina ang.a iana skang maming indakgipa kamrangko ka.a dongkujachim. Indiba ang.a ka.dongachim angni ka.rimskarang, organization ni manderang angna dakchaken aro angni masigijako skie on.gen ine. Ia ka.donganichin anga ‘Meghshala’ o kamko ka.na a.bachengaha.
Anga, Semico ch. Sangma, nasimang baksa angni ‘Meghshala’ o bilsisa dongpae angni skie aro nike masie ra.anirangko sakantinan u.iatna kusi ong.a jeon anga salantian dingtang dingtang skie ra.aniko skie ra.na cholko man.aha. Angna skie ra.na salantio angni gronggipa manderang aro angming baksa apsan ka.giparang dakchakaha. Anga salantian dingtang dintang biaprangchi re.na man.e bang.a kamrangni ong.a obostarangko nikna gita cholko man.achim jean angna cho.motgipa lekka-pora ko bi.songni biaprangiko name talbate u.ie ra.na dakchakaha. Biap geprakan dintang dingtang golporang grang lekka-pora ko skie ra.ani bidingo jekon ang.a kna.aha aro nikaha bi.songni biaprangchi re.ango. Ang.a chonbegipa Meghalaya a.dokni ningo donggipa east garo hills a.jani lekka-porani kaketgipa aro talbatgipa u.ianiko ui.e ra.nagita ‘Meghshala’ chol on.anichi ang.a man.aha. Beben ang.aba saksa east garo hills a.jani songdonggipa ong.paachim indiba anga pangnaba lekka-pora bidani gimin da.ogita ningtubate aro apalbate masina skani dongjachim.
‘Meghshala’ ge.sa lekka-porani gimin kam ka.gipa organization ong.e angoba dingtang mancha iana gisiko nanganiko on.panagita dakchakaha aro lekka-porani gimin ningtubate, apalbate u.ie ra.na sikataha mongsongbate east garo hills a.jani gimin. Anga angni skulrangchi re.anio skigiparangko grongaha jerangan an.tangtangni chatro chatrirangna skie ra.anikosan onaijaha indiba dingtang mancha bi.sarangni mikkangchi janggi tanganiko nambatatna gita somaina bate ba nanganirangko skie on.aniko daka. Apsan dake ang.a skulni bi.sarangkoba niknagita man.a jerangan lekka-pora bida ko skie ra.na sikgiparang ong.a. Ua bi.sarang an.tangtangni nengnikaniko dintang don.e skie ra.aniko jegita nengnikgenchim ong.oba skie ra.na sikbegiparang ong.a. Ia skigiparang aro bi.sarang namen bidana okkrigiparang ong.a.Uandake iarang angni gisiko didiataniko on.a angni kamko rakbate aro nambate ka.angna gita. Iarang gimikon anga name tale u.ie ra.na gita man.aha ‘Meghshala’ o kamko ka.anichi.
MEHGSHALA MAIKAI ANGKO GISIKO NANGATAHA
Anga angni organization ni giminba agana ska, agangimin gita angna a.bachengo kamko ka.na gita ra.bianigita ong.achim. Indiba angni organization ni manderangni dakchakanichi aro bi.songni skie on.anichi anga salantian gital gital skie ra.anirangko ra.nagita man.aha. Angni ka.rimskarang pangnan ang.ni kam ka.anio dakchakaha aro uamangni dakchakani gimin anga rakbegipa kamrangko ka.naba ka.dongataniko man.aha. A.bachengonin anga organization o kam ka.na kusi ong.a aro bi.songni kam ka.ani bewalko bilongen namnikbea. Ia ‘Meghshala’ o angni kam kana kusi ong.anira bi.songni miksongani aro remikkangani gimin ong.a jean ia organization ni kam ka.ani bewalko talatna nangana bate chu.ongbea. Je kamrangon anga bakko ra.a ua gimik Kaman angna skie ra.ani aro angna masibataniko on.a.
Uandake a.gilsak gimikan ia somaio nengnikaniko aro duk mikchi ong.aniko manengon. An.chingni ka.donganiara saksa sakgipini jakko rimritinge, saksa sakgipina dakchake ia namen negnikbegipa aro namjabegipa sal somaiko dakgrikani ong.a. Ia kattako Meghalaya implementation manager pangnan chingna aganronga ia nengnikani somaio chingna dakchakaniko aro ka.donganiko on.a.
Bilsi sa na bate Meghshala o kamko ka.e angni gisiko organization ni miksongani pangnan dongkama. Jean on.pilskanio ia nengnikani somaio skul aro uandake skie rachakram biaprangko chipataniko manengmitengo. Anga ia somaiko nike iani gimin chanchina a.bachengaha aro an.tangko singaha 'anga ia somaio maiko dakna man.gen? 'angni dakna nanggni ara maia ong.gen ia ranggidik ong.gipa a.selnara? aro 'ang.a maidake angni samtangtango donggipa manderangna dakchakna man.gen? Ia singanirang gimikna angni gisiko mingsa aganchakanisan sokbaiaha jean anga gesa lekka-pora na kam ka.gipa organization ni ong.e anga lekka-porani bidingon maikoba on.gilna man.pagen ine. Da.o a.gilsak gimikchin ong.enggipa sabisini a.selo skulrang aro skie ra.chakram biaprangko Meghalaya a.dokni east garo hills, a.jaoba gimik biaprangon chipatako man.aha aro uni a.selo bidako skie ra.enggipa bi.sarang lekka-pora ko skie ra.anio chelatako man.aha. Ia ong.a obostako nike anga angni songni bi.sarangko niataha jeon nanga bosturangko jakale skie ra.aniko dakna bil dongpaja aro man.paja.Jeon bi.sarang salantian noko a.songe ro.e skul baksako kuligen uko sengesan dongengachim, bisongni lekka-pora ko skie rapiltaina. Anga ia bi.sarangko nike chanchiaha anga ia bi.sarangna maikobade dakna man.gen jean angni jako ong.a aro jekon anga bil am.a. Uandake anga angni noksul songsulni bi.sarangko okamataha aro uamangna skie on.aniko dakaha. Beben anga skie on.gipa ong.ja indiba bi.sarangni gisiko lekka-pora na on.china aro skie ra.aniko don.tongjachina gita anga iako chanchianiosa angni somai man.o skie on.agita sikaha. Bisarang bilongen kusi ong.aha aro salantian skie ra.aniko ra.na rebatokaha. Ang.a bi.songni nengnikaniko talate bi.sarangni gisiko lekka-pora aro skie ra.anio dang.atna jotton ka.aha. Unadake bangbata bi.sarangan salantian ang baksa skie ra.nagita re.barongaha.
Ia indake angni ia ranggitdik ong.gipa nengnikani somaio chanchianiara Meghshala organization ni giminsa ong.aha, maina bi.songsa angna didianiko aro lekka-pora ni gimin nambate, rakbate kamko kana gisiko nangataha. Uandake Meghalaya a.dokni east garo hills a.jani lekka-pora ko skie ra.aniko ia nengnikani somaioba dong.tongatjana gita kamko ka.na dakchakaha.
Uni gimin anga Meghshala organization o kam kagipa sakantikon dintangmancha bi.songni dakchakanina aro skie on.anina mitelna namnika. Apsan daken mikkangchiba bi.songni dakchakanichi aro skie on.anichi anga bebe ra.a. Meghalaya a.dokni, east garo hills, a.jani lekka-pora bidako nambatatna aro chubata gadangona sokatna man.gen ine.
Sakantikon mitela
Semico Ch. Sangma
IPA, Samanda Block, East Garo Hills, Meghalaya
Summary by Simrin Tamhane, Meghshala Trust
Meghshala was Semico’s first job escapade, the past year in Meghalaya has been a year filled with learning, growth, and exposure for Semico CH Sangma who is one of the IPAs from Meghalaya. He has given us a snippet of his life as a Meghshala IPA during what can only be described as one of the most challenging and trying times for the world but more particularly the education field. Semico shares his gratitude for being given the opportunity to connect with the people of his state on a deeper level. Through Meghshala, he was able to reach out to many teachers and students in his district and interact with them which would not have been possible otherwise. His involvement with Meghshala in his state not only provided him with the work experience he wanted but also gave him a more personal and intimate understanding of education in East Garo Hills, the district he is from. Although he is a local in his town, he never had to interact with teachers and students before which also restricted his consciousness of some of the issues related to education that are prevalent there. His interaction with the educators in his district helped him to value teachers and see just how committed and sincere they are in their jobs. Despite COVID and the lack of resources both teachers and students in the location had, it was inspiring for him to see the effort and empathy that went into education.
Although the year proved to be insightful and rewarding in experience, it also raised many questions as challenges snowballed into the year with schools shutting down and the team having limited exposure for physical interaction. He felt a greater sense of duty to give back and support his community and he felt like his strongest option was supporting students through Meghshala. Since many students were deprived of access to online education, Semico’s proactiveness was evident in his act of reaching out to students in his neighborhood and tutoring them at home. Although he’s not a certified teacher, his goal was to continue providing educational resources so children from his neighborhood do not miss out on their education.
Semico’s team in Meghalaya has always been supportive of him as they try to come up with new solutions and ideas to make the best of the virtual/distanced implementation. His respect and gratitude towards the Meghshala team in giving him independence yet the confidence to take charge in his own community is evident in his successes. 2020 has undoubtedly been a year of uncertainty, difficulty, and demanding but it also brought about a bigger sense of duty, purpose, and drive that he considers an advantage to his own personal growth.